Ársskýrsla Landsbankans 2016
Landsbankinn styrkti stöðu sína sem stærsta fjármálafyrirtækið á Íslandi á árinu 2016. Bankinn veitir einstaklingum, fyrirtækjum og fjárfestum um allt land trausta og alhliða fjármálaþjónustu sem byggir á langtíma viðskiptasamböndum. Hagnaður Landsbankans á árinu 2016 nam 16,6 milljörðum króna eftir skatta, samanborið við 36,5 milljarða króna árið 2015 sem var besta rekstrarár í sögu bankans. Arðsemi eiginfjár eftir skatta á árinu 2016 var 6,6%.
Stærsta fjármálafyrirtækið á Íslandi
Landsbankinn leggur áherslu á að vera samherji viðskiptavina í fjármálum. Hann stundar ábyrga markaðssókn með það að markmiði að skapa gagnkvæman ávinning fyrir viðskiptavini.
| Einstaklingar í viðskiptum við Landsbankann | 121.697 |
| Fyrirtæki í viðskiptum við Landsbankann | 12.923 |
| Útibú og afgreiðslur í árslok 2016 | 37 |
| Fjöldi hraðbanka / fjöldi afgreiðslustaða | 75/63 |
| Stöðugildi í árslok 2016 | 1.012 |
Útibúanet Landsbankans
Landsbankinn rekur víðtækasta útibúanet banka á Íslandi. Útibú og afgreiðslur bankans í árslok 2016 voru 37 talsins.
Landsbankinn þinn
Grundvallaratriði í stefnu bankans til ársins 2020 er að hann verði til fyrirmyndar, traustur samherji í fjármálum og hreyfiafl í samfélaginu. Landsbankinn ætlar að skara fram úr í þjónustu og samskiptum við viðskiptavini.